Безумоўна, нельга ўявіць сабе сапраўдную  работу  па развіццю маўлення без дыхальнай гімнастыкі. 

Акрамя таго, усім бацькам хочацца, каб іх дзіця не хварэла. Для гэтага таксама неабходна развіваць дыхальную сістэму дзіцяці, тым самым умацоўваючы ахоўныя сілы арганізма. Дыхальная гімнастыка стымулюе працу сэрца, галаўнога мозгу, нервовай сістэмы, паляпшае страваванне. Заняткі дыхальнай гімнастыкай неабходныя дзецям, якія  часта хварэюць прастуднымі захворваннямі, бранхітамі.

Дыхальная гімнастыка праводзіцца ў выглядзе гульні. . Падчас гэтага ўключаецца дапаможная дыхальная мускулатура, актыўна працуе дыяфрагма, адбываецца правільны ўдых і ўзмоцнены выдых. Усё гэта паляпшае стан дыхальнай сістэмы і арганізма ў цэлым. Практыкаванні трэба паўтараць 6-8 раз, ўдых рабіць толькі носам, а выдыхаць цалкам.